Советтик жана орусиялык даңазалуу режиссер Юрий Любимов менен коштошуу шаршембиде Вахтангов атындагы театрда өтөт.
Таганкадагы театрдын чыгармачыл жетекчиси жекшембиде Москвада 97 жаш курагында көз жумган. 2-октябрда Любимов жүрөк оорусу менен бейтапканага жаткырылган.
Маркум 1917-жылы Ярославль шаарында төрөлгөн. Көп узабай үй-бүлөсү Москвага көчөт. 1964-жылы Таганкадагы театрды негиздейт.
1984-жылы чет өлкөдө жүргөн кезинде Батыш журналисттерине маек кургандан кийин театрдагы жетекчиликтен бошотулуп, советтик жарандыгынан ажыратылат.
Сүргүндөгү жылдары Британия, Австрия, Италия, Германия, Франция, АКШнын театрлары менен кызматташат. 1988-жылы мекенине кайтып келген. Любимовго СССРдин паспорту кайтарылып, Таганкадагы театрды кайрадан жетектей баштайт. Бирок 2011-жылы труппа менен талаштан кийин кызматынан кеткен.
