Нарында 8-октябрдан 10-октябрга чейин “Өзгөчө кырдаал коркунучу пайда болгондо жарандык коргоо кызматтарынын, башкаруу органдарынын аракеттери” деп аталган штабдык окуулар өтөт.
Премьер-министрдин жетекчилиги алдында өтө турган окуулардын максаты – Нарын облусунун аймагында өзгөчө кырдаалдар коркунучу пайда болгондо аткарылчу пландардын реалдуулугун текшерүү, кырсык болгон жерде авариялык-куткаруучу иштерди өткөрүү.
Маалыматтарга ылайык, Кыргызстан быйыл сейсмологиялык жактан активдүү болуп, майда жер титирөөлөр көп катталууда. (ZMa)
