Бүгүн Бишкекте “Бир дүйнө – Кыргызстан” даректүү тасмалардын сегизинчи фестивалы башталат. Иш-чаранын уюштуруучусу Төлөйкан Исмаилованын “Азаттыкка” маалымдашынча, бул жылы фестивал БУУнун “Өнүгүүгө укук” калкасы алдында өтөт.
Фестивалга Орусия, Британия, Франция, Дания өңдүү 10 өлкөдөн 22 тасма катышат. Тасмаларда миграция, аялдарды жана балдарды сатуу, мүмкүнчүлүгү чектелген адамдардын муктаждыктары өңдүү көйгөйлөр козголгон.
Фестивал 11-октябрда жыйынтыкталат. (ZMa)
