Шаардын борбордук көчөлөрүндө жана базарларында жашоочуларга өз укуктарын билүүгө арналган баракчалар таркатылып, акысыз кеңештер берилип жатат. Бул тууралуу акциянын уюштуруучуларынын бири “Прецедент” өнөктөштүк тобунун юристи Жанабил Давлетбаев “Азаттыкка” билдирди.
- Мамлекеттик жана жергиликтүү өз алдынча башкаруу органдарынын карамагында турган маалыматка жетүүгө болгон жарандардын укугун камсыздоо максатында айыл өкмөттөрдөгү медиа борборлор менен ушул иш чараны уюштуруудабыз. Конституциянын 33-беренесинде да жарандардын маалыматка ээ болуу укуктары кеңири жазылган, - деди Давлетбаев.
Кечээ ушул эле акция Баткен облусунда өткөн, алдыдагы күндөрү өлкөнүн бардык аймактарында уланат.(RsK)
