Линктер

шейшемби, 19-сентябрь, 2017 Бишкек убактысы 21:07

Чехияда “Форум-2000” жылдык конференция ишин баштады


18-жолу өтүп жаткан конференция “Демократия жана нааразычылык: “темир көшөгөдөн” жана Тянанмэн аянтынан кийинки чейрек кылым” темасына арналды.

Катышуучулардын арасында ЮКОСтун мурдагы жетекчиси Михаил Ходорковский да бар. Форумдун ачылышында ал Орусиядагы демократиялык кыймылдын стратегиясы жана тактикасы тууралуу сөз сүйлөдү.

Ходорковский салыктан качкан, мамлекет мүлкүн уурдаган деген айыптар менен эки ирет соттолуп, он жыл камакта отурган. Жактоочулары соттолушунун саясий жүйөсү бар болгонун айтып келишкен.

50 жаштагы мурдагы мунай олигархы камактан бошотулгандан кийин саясатка аралашпасын, бизнеске да кайра барбай турганын белгилеп келген.

“Форум-2000” конференциясын Чехиянын мурдагы президенти Вацлав Гавел негиздеп, ал биринчи жолу 1997-жылы өткөн. (ZMa)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG