Бүгүн Жогорку Кеңештин Билим берүү, илим, маданият жана спорт боюнча комитетинде Коомдук Биринчи каналдын Байкоочу кеңешинин төрагасы Илим Карыпбеков отчет берет.
КТРКнын Байкоочу кеңеши 15 мүчөдөн турат. Анын мүчөлөрүн президент, парламент жана жарандык коом өкүлдөрү көрсөтүп, Жогорку Кеңеш тандайт.
1-августтан тарта Коомдук Биринчи каналды Султан Жумагулов жетектеп келатат. Мурдагы жетекчи Кубат Оторбаевдин кызматынан өз каалоосу менен кетүү жөнүндөгү арызын КТРКнын Байкоочу кеңеши 24-июлда канааттандырган. (ZMa)
