Анын алкагында каскаддагы Нарын-1 жана Ак-Булуң ГЭСтеринин суу топтолчу жайларын куруу үчүн жардыруу иштери жүрдү. Бул иш-чарага вице-премьер-министр Валерий Диль жана “Русгидро” компаниясынын башчысы Евгений Дод катышууда.
Жогорку Нарында курулуш иштери Кыргызстан жана Орусиянын өкмөттөрү ортосунда 2012-жылдын 20-сентябрында түзүлгөн макулдашуунун негизинде өткөрүлүп жатат.
Алты жылдын ичинде Нарын дарыясынын жогору жагында төрт ГЭС колдонууга берилмекчи. Биринчи гидроагрегат 2016-жылы иштей баштайт деп кабарланган. Жалпысынан долбоор 727 млн. долларга бааланган. (BkA)
