Токтогул районунда улуу акын Токтогул Сатылгановдун 150 жылдык мааракеси белгиленүүдө. Майрамдык иш-чаранын алкагында бүгүн аталган шаарчада акындын айкели ачылды. Ага премьер-министр Жоомарт Оторбаев баш болгон өкмөт мүчөлөрү, Жогорку Кеңеш депутаттары жана жергиликтүү тургундар катышууда.
Эл аралык ТҮРКСОЙ уюму быйылкы жылды Токтогул Сатылгановдун жылы деп жарыялаган. Буга байланыштуу бул уюмга кирген 14 өлкөдө улуу акындын мааракесине арналган иш-чаралар уюштурулду.(BkA/TSh)
