Кыргызстандын түндүк аймагынан түштүк жергесине жер алдынан байланыштырган оптика-волокондук магистралы пайдаланууга берилди. Анын ачылышына Жалал-Абад облусуна сапар менен барган премьер-министр Жоомарт Оторбаев катышты. Бул магистралдын узундугу 943 чакырымды түзөт. Анын курулушу алты жылга созулду. Бул магистралдын ишке кириши менен Ош, Баткен, Жалал-Абад облустарындагы интернеттин ылдамдыгы 3,5 эсеге тездейт.
“Кыргызтелеком” ишканасынын жетекчиси Алмазбек Кадыркуловдун билдиришинче, өлкө боюнча дагы эки миң чакырым оптика-волокондук байланыш түйүнүн куруу планы бар.(BkA/TSh)