Жумушунда кетирген кемчиликтери үчүн Каржы министрлигинин Ак-Талаа, Ат-Башы жана Ленин райондорундагы бөлүм башчылары жумуштан бошотулду. Бул тууралуу өкмөттүн басма сөз кызматы билдирди. Алар кышка даярдык көрүү өнөктөгүнө кош көңүл мамиле жасап, мекемелерге көмүр сатып алуу иштеринде коррупцияга жол бергени аныкталган. Ошондой аймактык түзүмдөрдө иштеген дагы 16 кызматкерге эскертүү берилип, кышка даярдыкты күчөтүү тапшырмасы берилди. (SE)
