Кыргызстандын футбол боюнча улуттук курама командасынын экс-капитаны Руслан Сыдыков коштошуу матчын өткөрөт. Бул тууралуу Футбол федерациясынын маалымат кызматынан кабарлашты. Коштошуу оюнда «Алга» менен «Дордойдун» футболчулары беттешет. Экс-капитан бүгүн өзү "Дордой" курамында ойномокчу.
Мелдеш Бишкектеги Дөлөн Өмүрзаков атындагы стадиондо бүгүн саат 15:30 да башталат.
Руслан Сыдыков 1992-жылы Оштун "Алай" клубунда ойноп, карьерасын баштаган.
1997-2000-жылдары "Динамо" ИИМдин курамында ойногон. 2001-жылдан 2013-жылга чейин Бишкектин "Дордой" клубунун намысын коргогон. Улуттук курамага 1997-жылдан баштап ойноп баштап, 2005-жылдан 2013-жылга чейин капитан болгон. (TSh)
