Бишкектеги “Ала-Арча” мамлекеттик резиденциясында өлкөнү туруктуу өнүктүрүү боюнча улуттук кеңештин жыйыны өтүп жатат. Ага президент Алмазбек Атамбаев баштаган кеңеш мүчөлөрү катышууда. Жыйында 2015-жылдагы парламенттик шайлоону ачык-айкын өткөрүүгө даярдык боюнча биринчи вице-премьер Тайырбек Сарпашев жана 2017-жылга чейин өлкөнү өнүктүрүү стратегиясынын аткарылышы боюнча премьер-министр Жоомарт Оторбаевдин отчету талкууланмакчы.
Кыргызстанды өнүктүрүү боюнча туруктуу кеңешти президент жетектейт. Ага өкмөт мүчөлөрү, Жогорку Соттун төрайымы, Жогорку Кеңештеги фракция жетекчилери мүчө.(BkA/UEz)