Бүгүн Жогорку Кеңештин имаратынын алдында Баткен окуясынын катышуучулары нааразылык акциясына чыкты. Алар мамлекет тарабынан көңүл бурулбай жатканын нааразылыгын билдиришти. Баткенчилердин айтымында, учурда кандуу окуялар учурунда каза болгондордун жакындары 300 сомдон гана жөлөкпул алышат. Ал эми катышуучулар болсо мамлекеттин камкордугуна алынбай келет. Ошондуктан депутаттардан Баткен окуясынын катышуучуларын социалдык коргоого алган мыйзам кабыл алууну талап кылышты.
1999-2000-жылдары Баткен облусунун Зардалы, Кожо Ашкан айылдарына экстремисттик топтордун куралчан өкүлдөрү кирген. (BkA)
