Орусиянын ири отун магнаты Европа сотуна кайрылып, компанияга коюлган санкцияларды алып салууну сурады. Санкцияга ылайык, Газпромдун мунайын Евробиримдикке мүчө жана башка бир катар Европа өлкөлөрүнө сатууга чектөө киргизилген болчу. Буга АКШ да кошулган.
Батыш Орусияны Чыгыш Украинадагы козголоңчуларды курал-жарак менен жабдыйт деп айыптап келет. Москва өз кезегинде мындай айыптоолорду далилдери көбөйгөнүнө карабай, четке кагууда.
