Бүгүн, 1-ноябрында кыргыз милициясынын уюшулгандыгына 90 жыл толду. Буга байланыштуу Ички иштер министрлиги бир катар иш-чараларды өткөрдү. Бишкектин борбордук аянтында марафон, милиция кызматкерлеринин салтанаттуу жүрүшү болду. Азыр Токтогул Сатылганов атындагы улуттук филармонияда өлкөнүн бардык аймагынан келген милиция кызматкерлеринин катышуусунда салтанаттуу жыйын башталды.
1924-жылдын 14-октябрында РСФСРдин курамындагы Кара-кыргыз автономиялуу облусу түзүлгөндөн кийин 1-ноябрдан тартып облустук милиция бөлүмү өз ишмердүүлүгүн баштаган.
Ички иштер министири болуп жакында эле Мелис Турганбаев бекитилген. (TSh)