Бүгүн, 5-ноябрда Бишкекке Азия өнүктүрүү банкынын жетекчиси Такехико Накао иш сапары менен келди. Бул тууралуу Экономика министрлигинен кабарлашты.
Эки күндүк иш сапардын алкагында Накао өлкө башчысы Алмазбек Атамбаев, өкмөт өкүлдөрү менен жолугуп, эки тараптын экономикалык кызматташтык мамилелери талкууланат.
Андан сырткары Такехико Накао Бишкек шаарында өтүүчү Борбор Азиянын аймактык экономикалык кызматташтыгынын 13чү министрлик конференциясында баяндама жасайт. (TSh)
