Укук коргоочу Өндүрүш Токтонасыров Кыргызстандагы Беларус элчилигинин алдында нааразылык акциясын өткөрүүдө. Укук коргоочу ушул күндөрү кыргыз-беларус ишкерлери өткөрүп жаткан бизнес форумдун токтотулушун талап кылууда.
Токтонасыров баракчаларга “эбола” деп жазып, желим күрмө кийип турат. Ал бул аракетин Беларус ишкерлерине моралдык жактан кысым көрсөтүү дейт.
3-ноябрдан бери Беларус менен Кыргызстандын соода-экономикалык байланышын жакшыртуу максатында бизнес-форуму өтүп жатат. Эки тараптуу жолугушууну Кыргызстандын жана Беларустун соода-өнөр жай палатасы уюштурган. (TSh)
