Бүгүн Атамбаевдин Казакстанга мамлекеттик сапары башталат. Эки өлкөнүн башчылары Астана шаарында энергетика маселесин талкуулайт. Бул тууралуу Атамбаев сапар алдында коңшу өлкөнүн журналисттерине берген интервьюсунда айтты:
Өзбекстан бизге газ берүүнү токтотуп койгондон бери энергетика тармагында көйгөй жаралып жатат. Нурсултан Назарбаев бул маселеде Кыргызстанга жардам бергени турат.
Президенттик аппараттан маалымдашкандай, сапар казак тараптын чакыруусу менен уюштурулууда. Жолугушуунун алкагында Кыргызстан менен Казакстандын мамлекеттер аралык кеңешинин төртүнчү жыйыны болот.( SE)
