Бишкектин Жусуп Абдрахманов (мурдагы Совет) көчөсү №87 дарегинде жайгашкан көп кабаттуу үйдөгү өрттөн 6 автомашине толугу менен күйүп кетти. Бул тууралуу Өзгөчө кырдаалдар министрлигинин басма сөз катчысы Абдишарип Бекилов “Азаттыкка” билдирди.
- Өрт таңкы үч чамасында тутанган. Азырынча себептери белгисиз. Өрт учурунда көп кабаттуу үйдөн 30 адам эвакуацияланды, - деди Бекилов.
Анын айтымында өрт 11 кабат үйдүн жертөлөсүнөн чыккан. Натыйжада 11 адам, анын ичинде бир наристе жабыркап, экөө ооруканага жаткырылды. Учурда 6 автоунааны керектен чыгарган өрттүн себептери иликтенүүдө. (UEz)
