Бүгүн Жалал-Абаддын Сузак районундагы Телтору ат майданында төкмө акын Барпы Алыкуловдун мааракесине арналган ат оюндарынын жарышы башталууда. Бул тууралуу "Азаттыкка" Сузак районунун акими Нурболот Мирзахмадов билдирди.
Эртең, 14-ноябрда акындардын айтышы жана илимий конференция өтөт. Ал эми негизги иш-чаралар 15-ноябрда болот. Сузактын Телтору ат майданында 40тан ашык боз үй тигилип, улуттук оюндар ойнолот жана эстрада жылдыздарынын катышуусунда чоң программадагы концерт тартууланат.
Алыкуловдун мааракесин белгилөөгө жеке ишкерлерден 4 миллион сомдон ашык акча жыйналып, облустук бийлик 150 миң сом бөлүп берген.
Төкмө акын Барпы Алыкулов 1884-жылы Сузактын Ачы (азыркы Барпы) айылында туулган. (RsK)
