Кыргызстанда кант диабетине чалдыккандардын саны 43 миң киши, бирок бул көрсөткүч чыныгы абалды мүнөздөбөйт. Бул тууралуу бүгүн Саламаттыкты сактоо министрлигинен кабарлашты. 43 миң оорулуу - эндокринологдун каттоосуна алынгандар гана. Ал эми диабетке чалдыкканын аңдабай, демек, дарыланбай жүргөндөрдүн саны 3-4 эсе көп болушу ыктымал экенин адистер айтууда.
Бул илдет балдар арасында да жайылып жатканы дарыгерлерди кооптондурууда. Жыл сайын Бишкек шаарында эле 14-15 балага ушундай диагноз коюлуп жатат.
Кант диабети жалпы организмдин иштешине залакасын тийгизген дарт. Кандагы инсулинди нормадан ашырбай кармап туруу үчүн бейтап дайыма дары ичип туруусу керек. (RK)
