Айыл чарба, тамак-аш жана кайра иштетүү өнөр жайынын кызматкерлеринин кесиптик майрамында Бишкектеги А. Малдыбаев атындагы Опера жана балет театрынын жанында айыл чарба техникаларынын жана азыктарынын көргөзмөсү өтүүдө.
Иш-чарага катышкан айыл чарба министри Таалайбек Айдаралиев Кыргызстан өзү минералдык жер семирткичтерди чыгарган заводдорду курмайын аталган тармакта өнүгүү болбой турганын айтты.
Айыл чарба кызматкерлерин президент Алмазбек Атамбаев да куттуктап:
- Кыргызстанда өзүн азык-түлүк менен толук камсыз кылууга мүмкүнчүлүк жана дарамет бар. Бирок өзүбүз өндүргөнгө караганда, чет өлкөнүн продукциясын көп алып жатабыз, - деп айтты.
Өкмөт башчы Жоомарт Оторбаев да айыл чарба кызматкерлерин куттуктап агрардык сектор кыргыз экономикасынын таянычы экенин кошумчалады. (JAk)
