Адвокат жана укук коргоочунун иштеген жери тинтилип, бир катар документтер, анын ичинде соттук материалдар алынды. Ал Азербайжандын Хатаин райондук сотунун чечими менен кармалып, 15 күнгө камалды.
Укук коргоочу полицияга баш ийген эмес деп айыпталууда. Учурда ал Ички иштер министрлигинин Уюшкан кылмыштуулукка каршы күрөшүү башкы башкармалыгында кармалууда. Бул тууралуу анын иниси Акрам Намазов билдирди. Ал агасы менен жолуга албай жатканын айткан. (КЕ)
