АКШнын vамлекеттик катчысы Жон Керри “Ислам мамлекети” уюмунун согушкерлерине каршы күрөшүү үчүн түзүлгөн коалиция “бардык багыттарда биргелешип алдыга жылууда” деп билдирди.
Брюсселде коалицияга кирген 60 чакты өлкөнүн тышкы иштер министрлери менен жолугушуунун алдында Керри АКШ баштаган альянс өнөктүктү аягына чейин уланта берет деди.
Жыйында “Ислам мамлекети” уюмуна каршы күрөштөгү буга чейинки жетишкендиктер жана алдыдагы стратегия талкууланмакчы.
Мамкатчынын айтымында, согушкерлер бүтүндөй динге көлөкө түшүрүүгө аракеттеништи, бирок мусулман лидерлери аларга каршы турумду ээлешти.
