Жогорку Кеңеш Кыргызстандын Сот тандоо кеңешинин жаңы курамынын дагы 4 мүчөсүн бекитти. Бул маселе парламентте кечээ каралды. 19-ноябрда кеңештин 20 мүчөсү бекитилип, 4 орун бош калган болчу.
Конституциянын 74-беренесине жана Сот тандоо кеңеши жөнүндөгү мыйзамга ылайык анын 24 мүчөсү болууга тийиш. Жалпы курамдын үчтөн бирин парламенттик көпчүлүк коалициясы, үчтөн бирин парламенттик оппозиция, дагы үчтөн бирин Соттор кеңеши көрсөтөт. Алар 3 жылдык мөөнөткө шайланат. (RK)
