Акыркы аптада Кыргызстанда күйүүчү майдын баасында арзандоо байкалды. Бул тууралуу өлкөнүн Нефтетрейдерлер ассоциациясынан кабарлашты.
Маалыматка ылайык, бүгүнкү күнгө карата өлкөнүн бардык аймактарында АИ-80 маркасындагы бензинге 40 тыйын, АИ-92 1 сомго, АИ-95 2,2 сомго жана АИ-98 үлгүсүндөгү күйүүчү май 2 сомго арзандады. Мындан сырткары дизелдик отунга баа 1 сомго арзандады.
Нефтетрейдерлер ассоциациясынын маалыматы боюнча, күйүүчү майдын баасы жыл башынан бери 11 пайызга көтөрүлдү. Башкача айтканда, күйүүчү май литрине 4,3 сомго чейин өскөн. (BkA)