Беларус менен Казакстандын президенттери эмки жумада Киевга барып, Украинанын президенти Петро Порошенко менен жолугушат. Жума күнү Александр Лукашенко Киевге 21-декабрда барарын шардана кылды жана бейшемби күнү кечинде Порошенко менен телефон баарлашуусунда Минск сүйлөшүүсүнүн жаңы айлампасын өткөрүүдө украин өкмөтү үчүн эч кандай тоскоолдук жок экенин түшүнгөн.
19-декабрда казак президентинин басма сөз кызматы Назарбаев украин жетекчилиги менен сүйлөшүү үчүн Киевге 22-декабрда барарын билдирди. Казакстан жана Беларус Орусия менен кошо Бажы биримдигине кирет. Бирок эки өлкө Батыш Орусияга жарыялаган санкциялар алардын экономикасына келтирген зыянга кыжалат. Лукашенко менен Назарбаев 23-декабрда Жамааттык коопсуздук келишими уюмунун жыйынына катышат.
