Челябинск – Москва жолундагы жол кырсыгынан 43 жаштагы кыргызстандык көз жумду. Бул тууралуу орусиялык маалымат каражаттары жазып чыгышты.
Маалыматка ылайык, “Хонда Фит” үлгүсүндөгү эки унаа кагышып кеткен. Унаалардын бирин кыргыз жараны башкарып баратканы айтылууда. Натыйжада экинчи унаадагы кыргызстандык окуя болгон жерден каза таап, дагы бир 1971-жылы туулган кыргыз жараны жаракат алган. Учурда тергөө тобу жол кырсыгынын себептерин аныктап жатышат. (UEz)
