Бул тууралуу “Азаттыкка” Ысык-Көл облустук жол кайгуул кызматынын башчысы Азамат Исраилов билдирди. Анын маалыматы боюнча, 31-декабрда саат 23:45 чамасында Каракол шаарынын көчөлөрүнүн биринде белгисиз адам автоунаа менен бир кишини коюп, качып кеткен. Оор жаракат алган адам ошол жерден каза тапкан.
Окуя болгон жердеги дүкөндүн видео камерасына кырсык тартылып калган, учурда жазылган тасма иликтенүүдө. Бул окуя боюнча милиция жана жол кайгуул кызматы атайын иликтөө топ түзүп, издөө иштерин жүргүзүп жатышат.(MKo/ZKo)
