Президент Алмазбек Атамбаев “Газпром Кыргызстандын” башкы директору Болот Абилдаевди кабыл алды. Жолугушууда өлкөдө жүргүзүлүп жаткан геологиялык чалгындоо иштери, “Газпром Кыргызстандын” республиканын газ транспорттук системасын өнүктүрүү боюнча пландары тууралуу маалыматтар берилди. Бул тууралуу президенттин аппаратынан маалымдашты.
Өлкө башчысы Алмазбек Атамбаев Баткен, Ош жана Жалал-Абад облустарын бириктирген магистралдуу газ түтүгүнүн долбоорлоонун жана куруунун, ошондой эле аталган региондордун керектөөчүлөрүнө жаратылыш газын жеткирүүнүн өзгөчө маанисин баса белгиледи. (TSh)
