Бүгүн вице-премьер-министр Абдрахман Маматалиев суу-энергетикалык маселелер боюнча мекемелер аралык комиссиянын кезектеги жыйынын өткөрдү. Бул тууралуу өкмөттүн аппаратынан кабарлашты. Жыйында буга чейинки аталган тармакта аткарылган иштер талкууланып, жыйынтыгында бардык суу-чарба мекемелеринин абалы тууралуу маалыматтарды толуктап иштеп чыгуу тапшырылган.
Жыйында өлкөнүн суу-энергетикалык ресурстары элдин кызыкчылыктарын эске алуу менен пайдаланылышы керектиги айтылды. Маматалиев суу-энергетикалык ресурстардын улуттук экономиканы чыңдоодо мааниси чоң экенин белгилеген. (TSh)