Бул тууралуу 14-январда болчу митингдин уюштуруучусу Бактыгүл Жумабаева “Азаттыкка” билдирди. Анын айтымында, акцияга чыккандар буга чейин айтып келишкендей эле электр энергиясына болгон баалардын мурдагы калыбында калышын талап кылышат.
- Митингге электр баасын төлөй албай жаткандар чыгат. Митингдин артында эч бир саясатчы жок. Биз светти 23 тыйынга арзандаткан өкмөт менен макул эмеспиз. Мурдагыдай 70 тыйын кылсын, - деди Жумабаева.
Электр энергиясынын жаңы тарифине ылайык, айына 700 кВт саатка чейин электр кубатын пайдалангандар 70 тыйындан, андан ашкандар 2 сом 5 тыйындан төлөө каралган. Кечээ жакында өкмөт бул тарифти президенттин тапшырмасы менен 23 тыйынга арзандатты. (UEz)
