Эл аралык Валюта кору быйыл экономикалык өсүш күтүлгөндөн төмөн болорун эскертип, өкмөттөрдү жана борбордук банктарды өсүшкө көмөктөш болуучу чараларды жана реформаларды колдоого чакырды. Бүгүн жарык көргөн отчетунда Валюта кору быйыл глобалдык экономикалык өсүш 3.5, келерки жылы 3.7 пайыз болот деп болжолдойт. Бул кордун мурдагы божомолунан 0.3 пайызга төмөн.
Валюта корунун эсебинде, өнүгүп келаткан өлкөлөрдүн өсүштөрү мурда болжолдонгондон начар болуп, айрыкча мунай экспорттоочу Орусия, Нигерия, Сауд Аравиянын көрсөткүчтөрү эң төмөн болмокчу. Ири өлкөлөрдөн бир гана Кошмо Штаттарынын өсүшү 3.6 пайызга өсөт. АКШ үчүн мурдагы прогноз 3.1 болчу.
