Евронун долларга карата катнашы акыркы 11 жылдагы эң төмөнкү чекке түштү.
22 -январдагы соодада бир евро 1,13 долларга сатылды. Бул - 2003-жылдан берки эң төмөнкү көрсөткүч.
Валюта базарындагы мындай өзгөрүү Европанын Борбордук банкы бонддорду массалык түрдө сатып алуу программасын жарыялагандан кийин келди.
Европа банкынын 1 триллион евро коротулуучу программасы инфляцияны жандандырып, экономиканын реалдуу сектору кредиттелишине стимул берүүгө багытталган.
Мындай план Европада баалуу кагаздар базарынын көрсөткүчтөрүн көтөрдү. Германияда, Францияда акциялар 1,3% кымбаттады. Баалуу кагаздардын наркы АКШ менен Азияда да өстү. (UE)
