Шаар босогосундагы тоо боорунда жаңы лыжа тебүүчү жай ишке кирди. Ал жергиликтүү үч тургундун аракети менен курулганын, лыжа базасынын ээлеринин бири Болот Исмаилов “Азаттыкка” билдирди. Керектүү шаймандарды Бишкек шаарынан алып барышкан.
Маалыматка ылайык, 5 гектар жайыт аянтына чырактар орнотулуп, түнкүсүн да эс алууга мүмкүнчүлүк бар.
Кыргызстанда кышкы туризмге соңку жылдары көңүл бурула баштады. Буга чейин аймактарда лыжа базалары дээрлик болгон эмес. (RsK)
