Бүгүн, 27-январда “Ала-Арча” мамлекеттик резиденциясында президент Алмазбек Атамбаев өлкөгө иш сапары менен келген Монголиянын президенти Цахиагийн Элбэгдорж менен жолугушту.
Жолугушуунун жүрүшүндө бир катар тармактардагы эки тараптуу кыргыз-монгол кызматташтыгынын маселелери талкууланды.
Атамбаев менен Элбэгдорж өлкөлөр ортосундагы саясий диалогду мындан ары активдештирүү, ошондой эле соода-экономикалык жана маданий-гуманитардык тармактарда эки тараптуу өз ара аракеттенүүнү кеңейтүү зарыл экендигин белгилешти. Бул тууралуу президенттик аппараттын маалыматтык саясат бөлүмүнөн кабарлашты. (КЕ)