Райондогу С. Байдөлөтов атындагы орто мектептин 11-классынын 7 окуучусу Адылбек Ашырбек уулунун өлүмүнө шектүү катары кармалып, камакка алынды. Бул тууралуу "Азаттыкка" облустук ички иштер башкармалыгынын басма сөз кызматы билдирди.
Кылмыш-жаза кодексинин 97-беренесине ылайык кылмыш иши козголуп, Чаткал райондук соту шектүүлөрдү 2 айга чейин камакта калтырды.
21-январь күнү кечинде райондун Каныш-Кыя айылында мектеп окуучулары урушуп, натыйжада 10-класстын окуучусу Адылбек Ашырбек уулу каза болгондугу айтылган. (RsK)
