Бул тууралуу “Азаттыкка” Чүй облустук ички иштер башкармалыгынын басма сөз кызматынын өкүлү Нурбек Токтосунов билдирди.
Маалыматка ылайык, Айбек аттуу жаран өткөн жылы атасын, эки бир тууганын, сиңдисин жана келинин Сириянын Ракка шаарына жөнөткөн. Кармалган жарандын үйүн тинтүү маалында диний-экстремисттик 50дөн ашуун диск, баракча, компьютеринде Сирияга жихадга чакырган материалдар табылган.
“Алдын ала маалыматтарга жана кат алышууларына караганда кармалган жаран беш кишини жөнөткөн. Өзү бул жакта башка адамдарды Сирияга тартуу иштерин аткарып келген”, - деди Токтосунов. Учурда бул иш УКМКга өткөрүлүп берилди. (КЕ)
