Украинанын чыгышындагы орусиячыл жикчилдердин жол башчысы Александр Захарченконун айтымында, согушкерлер украин армиясынын бөлүктөрүн Дебальцево шаарынын жанында курчоого алып турат.
РИА-Новостинин билдиришинче, Захарченко алар куралын таштабаса, жок кылынарын эскертүүдө.
Бүгүн Беларустун борбору Минскиде жикчилдердин өкүлдөрү, Украина, Орусия жана ЕККУнун жаңы сүйлөшүүлөрү пландалган. Жикчилдер акыркы күндөрү бир катар аймактардан украин аскерлерин сүрүп чыгарууга жетишти.
