Жумгалдагы хоккей мелдешине жети команда катышып жатат. Бул тууралуу “Азаттыкка” аталган райондун спорт мектебинин машыктыруучусу Рахат Абышов билдирди. Анын айтымында, мелдештин байге фонду 300 миң сомду түзөт. 1-орунга 50 миң, 2-орунга 30 миң, 3-орунга 20 миң сом жана башка кызыктыруучу байгелер каралган.
Бул мелдеш быйыл үчүнчү ирет өтүүдө. Оюнга Чолпон-Ата шаарынын, Кочкор районунун жана Нарын шаарынын хоккейчилери келген. Мелдешке мындан сырткары Жумгал районунун жергиликтүү курама командалары катышып жатат. Эки күнгө созулган мелдеш эртең жыйынтыкталып, финалдык мелдештер өтөт. (MiK)