Республикалык Иммунопрофилактика борборунун директору Жолдош Калиловдун “Азаттыкка” билдиришинче, кызылча оорусуна шектелгендердин саны 3876га жетти. Анын айтымында, бул илдетке чалдыккандардын саны күн санап өсүп жатат.
Өкмөт бул ооруну алдын алуу үчүн 34,4 млн. сом бөлгөн. Бул каражатка Копенгагенден атайын дары-дармектер алынып келинет. Саламаттыкты сактоо министрлиги 1 жаштан 20 жашка чейинки 2 млн. 300 миңден ашык жаран 15-февралдан тарта милдеттүү түрдө эмдөөдөн өтөрүн айтууда. Өлкөдө диний көз караштан улам балдарын эмдетүүдөн баш тарткандардын саны 6 миңден ашык. (UEz)
