Magna Carta деген ат менен белгилүү Эркиндиктин улуу хартиясынын сакталып калган эски төрт нускасы Лондонго чогултулду. 800 жыл мурда 1215-жылы кол коюлган документ эркиндик, демократия, юстиция жана мыйзамдуулуктун пайдубалы эсептелет жана дүйнө өлкөлөрүнүн юридикалык системасын, анын ичинде адам укугунун универсалдуу декаларациясы менен АКШ конституциясын түзүүгө негиз болгон.
Маалымдалгандай, тарыхый документтерди коомчулуктун “чүчү кулак кармап” уткан 1215 мүчөсү 2-февралда Британия китепканасынан көрүшмөкчү. Андан соң Эркиндик хартиясынын төрт нускасы тең бир күнгө Британ паламентинин Лорддор палатасына берилет. Калган эки нускасы Англиянын Линкольн жана Солсбери шаарларындагы чиркөөлөргө кайтарылат.
