Жогорку Кеңештин коргонуу жана коопсуздук боюнча комитети кечээки жыйынында энергетикалык коопсуздук боюнча жумушчу топ түзүү чечимин кабыл алды. Ага депутат Назарали Ариповдун өлкөнүн энергетика тармагындагы абалды иликтөө боюнча сунушу себеп болду. Депутаттардан жана көз крандысыз эксперттерден куралган бул топ эми энергетика тармагындагы абалды иликтөөгө киришет. Бул тууралуу "Азаттыкка" бүгүн аталган жумушчу топтун башчысы, депутат Назарали Арипов билдирди.
Токтогул суу сактагычында суу кескин азайып кеткендиктен Кыргызстан быйыл энергетикалык кризистен чыгуу үчүн Казакстандан электр энергиясын сатып алууга аргасыз болгону белгилүү.
