Облустук ички иштер башкармалыгынын маалымат кызматынан “Азаттыкка” бүгүн билдиришкендей, 22-январь күнү УКМКнын Ысык-Көл башкармалыгынын 4 кызматкери Түп районуна караштуу Балбай айылында баңги зат табылган 25 жаштагы жаранды кармап, протокол түзүп жаткан учурда 50дөй айылдын тургундары чогулуп келип, кармалган жаранга болушуп, мушташ чыккан. Жыйынтыгында УКМКнын кызматкерлери сабалып, алардын бири ушул тапта Бишкекте ооруканада дарыланууда. Калганы жеңил жарат алган. Окуя боюнча кылмыш иши козголуп, тергөө иштери жүрүүдө. Маңзат менен колго түшкөн жаран сурак берүүдө. (AzK)
