Кыргыз эл сүрөтчүсү, үчүнчү даражадагы “Манас” орденинин, Токтогул атындагы мамлекеттик сыйлыктын ээси Жоомарт Кадыралиев оорудан улам бүгүн кайтыш болду. Сөөгү 7-февраль күнү өзү туулган айылга коюлат.
Маркумдун эң ири эмгектеринин бири катары 1995-жылы Таласта курулган “Манас” этногрофиялык комплексинин эскизи саналат. Ал сүрөтчүлүк өнөрүн негизинен Манас темасын тереңдетүүгө арнаган. Ошондой эле обон жазуу менен да алектенген.
Ал 1946-жылдын 18-июлунда Чүйдүн Жайыл районундагы Сары-Булак айылында туулган. 1966-жылы Фрунзе көркөм-өнөр окуу жайын, андан соң Москвадагы Суриков атындагы көркөм-сүрөт институтун аяктаган. (SE\ZA)
