Ирак борборунда түнкүсүн жарандардын көчөгө чыгуусуна чектөө киргизген коменданттык саат ушул жума соңунда токтотулат. Бул тууралуу 5-февралда премьер-министр Хайдар ал Абади буйрук кылды. Өкмөт башчы муну жарандарга эркин жашоого мүмкүнчүлүк берүү зарылдыгы менен түшүндүрдү жана терроризмге каршы жооп экенин белгиледи.
Тез-тез кайталанчу жардыруулардан улам Багдадда коменданттык саат дээрлик 2004-жылдан бери уланып келет.