Линктер

ишемби, 24-июнь, 2017 Бишкек убактысы 06:31

Текебаев Ошто кылмыштуу топтор жанданганын айтып чыкты


Бул тууралуу бүгүн “Ата Мекен” фракциясынын лидери Өмүрбек Текебаев Жогорку Кеңештин коалициялык көпчүлүгүнүн жыйынында билдирди. Анын айтымында, ири суммадагы карактоолордун көбөйүшү буга айкын мисал.

- Ош аэропортундагы карактоого саясатчылардын, күч түзүм башчыларынын канчалык деңгээлде тиешеси бар экени текшерилиши керек, - деди Текебаев.

Жыйынга катышып жаткан ИИМ башчысы Мелис Турганбаев мындай дооматтарды четке какты. Ал аэропорттогу карактоо боюнча 4 адам кармалып, жоголгон акчанын бир миллиону табылганын айтты. Министрдин маалыматы боюнча, карактоого шектелгендердин экөө казак жараны жана кылмышкерлерди издөө иши учурда Казакстанда да жүрүп жатат.

Өткөн жылдын 27-декабрында беткапчан жана куралчан белгисиз адамдар аэропорттун VIP залынан бир кишини беш сумкасы менен кошо алып кеткен. Уурдалган адамдын колундагы баштыктарда 5 миллион 679 миң доллар болгону тергөөдө ачыкка чыккан. Кийинчерек акчанын суммасы 10 миллион доллардан ашуун экени айтылган. (EBm/UEz)

Сиздин пикир

пикирлерди көрсөт

XS
SM
MD
LG