Линктер

ЧУКУЛ КАБАР!
23-Январь, 2022 жекшемби, Бишкек убактысы 05:57

Сирияга кеткен үй-бүлөлөр көбөйдү


Алеппо шаары. Сирия. 4-февраль, 2015-жыл

ИИМдин 10-бөлүмү “Антитеррор” операциясынын жүрүшүндө Кара-Суу районундагы Кашкар-Кыштак айлынын тургундары өткөн айда Сирияга кетишкенин аныкташты. 23 жаштагы күйөөсү менен кошо 20 жаштагы келин эки жана бир жаштагы наристелерин алып кеткен. Ушул эле айылдын башка бир тургуну өткөн жылдын январь айында Сирияга кеткени аныкталды. Кашкар-Кыштактагы дагы бир үй-бүлөдөн эки бир тууган Сирияга азгырылып кетишкен. Күч кызматтары акыркы убактарда Сирияга кетип жаткандардын ичинде үй-бүлөсү менен чогуу кетип жаткандар арбыганын баса белгилешет.

9-февралда ИИМдин 10-бөлүмү Ош облустук ИИБ менен чогуу Кара-Сууда он төрт дарекке тинтүү жүргүздү. Натыйжада бир катар тыюу салынган диний-экстремисттик адабияттар, Сириядагы согушка чакырык, Халифат курууга үндөө сыяктуу баракчалар, дисктер, китептер алынды.

Ош облусунун Кара-Суу, Араван, Ноокат, Өзгөн районунан жана Ош шаарынан Сирияга кеткендер көп. Расмий маалыматтар боюнча облустун Алай, Чоң-Алай жана Кара-Кулжа райондорунан гана Сирияга азгырылгандар каттала элек.

Жалпысынан Кыргызстандан Сириядагы согушка кеткендердин саны 200дөн ашуун.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG