Бул тууралуу «Азаттыкка» Ош облустук ИИБнин 10-бөлүмүнүн башчысы Жакып Зулпуев билдирди. Анын айтымында, мечитти башка жерге жылдырып, ага башка имам дайындоону жана "Ас Сарахсий" мечитин бузбай, имаратты бала бакча же мектепке айландыруу сунушталууда.
Өзүн аталган мечиттин имамы деп атаган Рашод Камалов жарандарды Сириядагы согушка катышууга азгырган деп шектелип 9-февраль күнү кармалган. Ага “мамлекеттик түзүлүштү бузууга чакырык жасаган”, “улут аралык кастыкты жараткан” деген айыптар коюлуп жатат. Бирок диний органдар Камалов аталган мечитке бейрасмий түрдө имам болуп иштеп жүргөнүн белгилеп жатышат. (YI\SE)
