АКШ президенти Барак Обама Конгресске “Ислам мамлекети” террордук тобуна каршы күрөш боюнча план сунуштайт. Анда согушкерлерге каршы күрөштө керек учурда америкалык жөө аскерлерди колдонуу каралган. Обама бул сунуш Конгрессте колдоо табат деп үмүттөнүүдө.
Азырынча АКШ баштаган эл аралык коалиция “Ислам мамлекетине” каршы абадан сокку уруп жатат. АКШ президентинин бул сунушу жакынкы апталарда каралышы мүмкүн.
“Ислам мамлекети” тобу Сирия жана Ирактын бир катар аймактарын басып алып, шариаттын негизинде халифат курулганын жарыялаган.
